امریکا نے سکیورٹی خدشات کے پیشِ نظر پاکستان میں تعینات اپنے غیر ہنگامی سفارتی عملے کو واپس بلانے کی ہدایت جاری کر دی ہے۔
اعلامیے کے مطابق لاہور اور کراچی میں قائم امریکی قونصل خانوں کے غیر ضروری عملے کو پاکستان چھوڑنے کا حکم دیا گیا ہے، تاہم اسلام آباد میں امریکی سفارت خانے کی موجودہ حیثیت میں کسی قسم کی تبدیلی نہیں کی گئی۔
امریکی سفارت خانے نے کہا ہے کہ امریکا اور ایران کے درمیان بڑھتی ہوئی کشیدگی کے بعد خطے میں ڈرون اور میزائل حملوں کے خدشات موجود ہیں، جس کے باعث یہ احتیاطی اقدامات کیے جا رہے ہیں۔
حکام نے عوام سے بھی اپیل کی ہے کہ وہ کسی بھی افواہ یا غیر مصدقہ خبر پر کان نہ دھریں اور سرکاری اعلامیے کو ہی معتبر سمجھیں۔