پاک بحریہ کے شہید محمد شاہزیب کو مکمل فوجی اعزاز کے ساتھ سپردِ خاک کر دیا گیا

اسلام آباد، 1 فروری 26: شہید محمد شاہ زیب MGT-I کو ان کے آبائی گاؤں عیسیٰ خیل، ضلع میانوالی میں پورے فوجی اعزاز کے ساتھ سپرد خاک کر دیا گیا۔ نماز جنازہ میں پاک بحریہ کے افسران و جوانوں، سول و ملٹری حکام اور لواحقین نے شرکت کی۔شہید محمد شاہ زیب MGT-I نے پسنی میں دہشت گردی کے بزدلانہ حملے کے خلاف دفاع کرتے ہوئے اپنی جان کا نذرانہ پیش کیا-پاک بحریہ شہید کی عظیم قربانی کو زبردست خراج تحسین پیش کرتی ہے اور سوگوار خاندان سے دلی تعزیت کا اظہار کرتی ہے۔