اسلا آباد:پاکستان حکومت کی جانب سے افغانستان کے ساتھ غیر منظم سرحدی نقل و حرکت کو محدود کرنے کا فیصلہ 2025 میں پولیو کے خلاف جدوجہد میں ایک اہم سنگِ میل ثابت ہوا ۔
سرحد پر آمدورفت اور اشیاء کی نقل و حمل کو ضابطے میں لانے سے نہ صرف نگرانی بہتر ہوئی بلکہ پولیو وائرس کے پھیلاؤ میں بھی نمایاں کمی آئی۔
اعداد و شمار کے مطابق 2025 میں پولیو کے کیسز میں 59.5 فیصد واضح کمی ریکارڈ کی گئی اور وائرس کی ترسیل محدود جغرافیائی علاقوں تک سمٹ کر رہ گئی ۔
افغانستان میں پولیو کی مسلسل موجودگی اور دونوں ممالک کے درمیان بڑے پیمانے پر آبادی کی نقل و حرکت کے باعث غیر قانونی افغان مہاجرین کی واپسی اور آمدورفت کے بہتر انتظام نے وائرس کی دوبارہ درآمد کو روکنے میں مدد دی۔ اس کے ساتھ ساتھ موبائل آبادیوں میں ویکسی نیشن کوریج بہتر ہوئی اور فالو اپ نگرانی کا نظام مزید مضبوط ہوا، جو پاکستان کی پولیو کے خاتمے کی کوششوں کے لیے ایک مثبت پیش رفت ہے ۔
