شوگر مافیا کا تعلق حکمران طبقے سے ہے: بیرسٹر ڈاکٹر سیف

پشاور:خیبرپختونخوا کے مشیر اطلاعات بیرسٹر ڈاکٹر سیف نے اپنے بیان میں کہا ہے کہ ملک میں شوگر مافیا اب تک بے لگام ہے، شوگر مافیا کا تعلق حکمران طبقے سے ہے۔حکومت شوگر مافیا پر قابو پانے میں مکمل ناکام ہو چکی، عوام کو شوگر مافیا کے رحم و کرم پر چھوڑ دیا گیا ہے۔
بیرسٹر سیف نے کہا کہ شوگر مافیا کا تعلق حکمران طبقے سے ہے، اسی لئے انہیں کوئی روکنے والا نہیں۔انہوں نے کہا کہ عوام مہنگائی کی چکی میں پس رہے ہیں جبکہ حکمرانوں کے اثاثوں میں اضافہ ہو رہا ہے، حکمران عوام کو ریلیف دینے کے بجائے اذیت میں مبتلا کر رہے ہیں۔