قانونی ماہر حسن رضا پاشا کا کہنا ہے کہ سائفر کیس میں پی ٹی آئی کے بانی کی سزا کے خلاف کیس ہائی کورٹ میں اپنی باری لے گا۔قانونی ماہر حسن رضا پاشا نے کہا کہ پی ٹی آئی کے بانی کی سزا کے خلاف کیس میں ڈیڑھ سال لگ سکتا ہے۔دوسری جانب تحریک انصاف کے رہنما شعیب شاہین نے کہا کہ کیس میں پی ٹی آئی بانی کی سزا پندرہ دن میں معطل ہوسکتی ہے۔واضح رہے کہ آفیشل سیکرٹ ایکٹ کے تحت قائم خصوصی عدالت کے جج ابوالحسنات محمد ذوالقرنین نے سائفر کیس میں سابق وزیراعظم عمران خان اور سابق وزیر خارجہ شاہ محمود قریشی کو دس دس سال قید بامشقت کی سزا سنائی ہے۔خصوصی عدالت نے سابق وزیراعظم کا 342 کا بیان قلمبند کرتے ہوئے مختصر زبانی فیصلہ سنا دیا۔
Menu
Leave feedback about this