محکمہ موسمیات نے مزید بارشوں کی نوید سنادی،گرمی کے ستائے عوام نے سکھ کا سانس لیا

پنجاب سمیت ملک کے مختلف حصوں میں بارش سے موسم خوشگوار ہوگیا ، محکمہ موسمیات نے مزید بارشوں کی نوید سنادی گرمی کے ستائے عوام نے سکھ کا سانس لیا ، پنجاب کے مختلف شہروں اور دیگر علاقوں میں بادل کھل کر برسے جبکہ لاہور کے مختلف علاقوں میں بھی بوندا باندی سے موسم خوشگوار ہوگیا۔محکمہ موسمیات نے شہر میں آج اور کل وقفے وقفے سے مزید بارشوں کی پیشگوئی کی ہے ۔کراچی میں بھی بارش کی انٹری ، کہیں ہلکی اور کہیں تیز بارش سے موسم خوشگوار ہوگیا اور شہریوں کے چہرے خوشی سے کھل اُٹھے کراچی کے علاقوں آئی آئی چند ریگر روڈ ، پی آئی ڈی سے ، شارع فیصل ،گارڈن اور ملیر سمیت شہر کے مختلف علاقوں میں ہلکی بارش ہوئی ۔محکمہ موسمیات کے مطابق 24 گھنٹوں کے دوران شہر میں دن کے اوقات میں مطلع جزوی ابر آلو اور رات میں ابر آلود رہے گا، کراچی میں سمندری ہوائیں بحال رہیں گی ۔