1 سال میں عدالت دیکھ لی ، دہشتگرد بھی بنا دیا گای ، شاہ محمود قریشی

شاہ محمود قریشی نے کہا ہے کہ ایک سال میں کورٹ کچہری دیکھ لی ، دہشتگرد بھی بنادیا گیا ۔اسلام آباد میں جوڈیشل کمپلیکس میں کمرہ عدالت میں صحافیوں سے غیر رسمی گفتگو کرتے ہوئے پی ٹی آئی رہنما نے کہا کہ 40 سال سیاست کی 39 سال میرے خلاف ایک پرچہ نہیں ہوا تھا۔انہوں نے کہاکہ معلوم نہیں برف بگھلی ہے یا نہیں جو بے گناہ ہے اسے رہائی ملنی چاہیئے ۔شاہ محمود قریشی نے کہا کہ شفاف انتخابات وقت کی ضرورت اور واحد حل ہیں ۔ اگر شفاف انتخابات نہ ہوئے تو ملک کا ناقابل تلافی نقصان ہوگا اور عوام کا موجودہ جمہوری نظام سے اعتبار اُٹھ جائیگا۔