یہ سیاستدان نہیں یہ پی ٹی آئی کی آر ایس ایس ہے، سعد رفیق

اسلام آباد: خواجہ سعد رفیق نے کہا ہے کہ یہ سیاستدان نہیں یہ پی ٹی آئی کی آر ایس ایس ہے۔ اپنے ایک بیان میں خواجہ سعد رفیق نے کہا کہ پولیس والے عدالت کے حکم کی تعمیل کیلئے گئے جن پر تشدد کیاگیا۔ ن لیگ کے رہنما نے کہا کہ انہوں نے اداروں کیخلاف عام شہریوں کو لاکھڑا کیاہے۔سعد رفیق نے کہاکہ ہم بھی سارے تماشے بھگتے،کبھی روئے نہیں، عام آدمی کے لیے اور پاکستان جبکہ عمران خان کیلئے اور پاکستان ہے۔انہوں نے یہ بھی کہا کہ عمران خان کے خلاف قانون کے مطابق کارروائی ہورہی ہے۔سعد رفیق نے کہا کہ توشہ خانہ کیس میں الیکشن کمیشن نے عمران خان کو ایک ٹرم کیلئے نااہل کیاتھا، دو اداروں کامعاملہ ہے ایک الیکشن کمیشن دوسرا سیشن کورٹ انہوں نے کہا کہ عمران خان کو سیشن کورٹ میں پیش ہونا تھا لیکن نہیں ہوئے ن لیگی رہنما نے کہا کہ بچے بچے کو پتا ہے کہ عمران خان نے توشہ خانہ سے کیا کیا چوری کیا، یہ خود کو قانون آئین اور عدالت سے بالا سمجھتے ہیں۔