ہمارے 12 کارکن جاں بحق، 200 لاپتہ: عمر ایوب

پشاور: قائد حزب اختلاف و رہنما تحریک انصاف عمر ایوب نے پشاور میں پی ٹی آئی رہنما عمرایوب کا اسد قیصر، شبلی فراز اور شیخ وقاص اکرم کے ہمراہ پریس کانفرنس کرتے ہوئے کہا ہے کہ
اسلام آباد احتجاج کے دوران ہمارے12کارکن جاں بحق ہوئے، 200لاپتہ ہیں۔انہوں نے کہا کہ پانچ دسمبر کو عمران خان سے طویل ملاقات ہوئی تھی، میں جیسے ہی اڈیالہ جیل سے باہر نکلا تو مجھے گرفتار کر لیا گیا تھا۔اگلے دن عدالت نیمیری رہائی کا آرڈر دیا، 24نومبر کو ہم نے پرامن احتجاج کیا، پرامن احتجاج میں نہتے کارکنوں پر گولیاں چلائی گئیں، 12نہتے کارکن مارے گئے،200 سے زائد کارکن تاحال لاپتہ ہیں۔
پانچ ہزار سے زائد ہمارے کارکنان گرفتار ہوئے، 13دسمبر کو کارکنوں کے لیے دعائیہ تقریب ہو گی، 15دسمبر کو اوورسیز پاکستانی دعا کریں گے۔ہمارے زخمی کارکنان کو ڈرایا، دھمکایا جا رہا ہے، ملک میں ورچوئل مارشل لا لگا ہوا ہے، شہبازشریف کا مائنڈ سیٹ ہٹلر جیسا ہے، شہباز شریف لباس بھی ہٹلرجیسا پہنتا ہے، ملک میں ریاستی دہشت گردی کا بول بالا ہے۔ شبلی فراز کا کہنا تھا کہ 8فروری کی غلطی کی وجہ سیملک انتشارسے دوچار ہے، اس دن ہمارا مینڈیٹ چرایا گیا، غلطی کو چھپانے کے لیے100جھوٹ بولیجارہے ہیں۔ملک میں سب کچھ تباہ وبرباد ہوگیا،الیکشن کے بعد سے اب تک ملک میں استحکام نہیں آرہا ہے۔