ہمارے ساتھ جو ہوا اس کے بعد قانون سے یقین اٹھ گیا: بشری بی بی

اسلام آباد:بانی پی ٹی آئی اہلیہ بشری بی بی نے اسلام آباد کی انسداد دہشتگردی عدالت میں سماعت کے دوران جج طاہر عباس سپرا نے بشری بی بی سے مکالمہ کرتے ہوئے کہا کہ تھوڑا وقت لگ گیا ہے لیکن قانونی ضابطے پورے کئے گئے ہیں۔جج طاہر عباس سپرا نے جواب دیا کہ نہیں ایسا نہیں ہے، ہر جگہ سے اعتماد نہیں اٹھا ، جسٹس سسٹم جیسا بھی چل رہا ہے اگر ختم ہو گیا تو سوسائٹی ختم ہو جائے گی، آپ میرے پاس کچہری میں بھی پیش ہوتی رہی ہیں۔
بشری بی بی نے کہا کہ بانی پی ٹی آئی اور ہمارے ساتھ جو کچھ ہوا ہے اس کے بعد قانون سے یقین ختم ہو گیا ہے، ٹرائل کے دوران میں نے ججز کو بیمار ہوتا اور کانپتے ہوئے دیکھا ہے، ایک جج صاحب کا بلڈ پریشر 200 پر گیا لیکن انہوں نے ہمیں سزا سنانی تھی اور وہ سنائی۔ جج سے مکالمہ کرتے ہوئے سابق خاتون اول نے مزید کہا کہ ملک میں قانون ہے لیکن انصاف نہیں، بانی پی ٹی آئی جیل میں آئین کی بالادستی کے لیے قید ہیں۔
جج طاہر عباس سپرا نے کہا کہ ہم سب نے مل کر کر ملک کے لیے ساتھ چلنا ہے۔ جج نے بشری بی بی کو ہدایت کی کہ آپ تمام مقدمات میں شامل تفتیش ہو جائیں جس پر بشری بی بی انسداد دہشت گردی عدالت سے روانہ ہو گئیں۔