ہر ملک عمومی طور پر مختلف،بالی ووڈ میں کام کیلئے جگاڑہوتا ہے: پریانکا چوپڑا

ممبئی: خوبرو بھارتی اداکارہ پریانکا چوپڑا نے ایک انٹر ویو میں کہا کہ ہر ملک عمومی طور پر مختلف ہوتا ہے، ہر جگہ اپنے ثقافتی طریقے ہوتے ہیں جنہیں ہم پسند کرتے ہیں اور جس طرح ہم کام کرتے ہیں۔ ایک بڑا فرق جو میں نے ہالی ووڈ اور بالی ووڈ کے درمیان دیکھا وہ یہ ہے کہ ہالی ووڈ میں بہت زیادہ دستاویزی کام ہوتا ہے، ایک دن میں آپ کو 100 ای میلز موصول ہوں گی، وقت کا تعین بہت سختی سے کیا جاتا ہے۔
بھارتی ادارہ نے مزید کہا کہ ہمارے یہاں بہت زیادہ جگاڑ ہوتا ہے اور کام کر لیتے ہیں، ہم کچھ زیادہ رومانٹک ہوتے ہیں جیسے کہ ارے ہو جائے گا، کر لیں گے لہذا کام کرنے کا طریقہ کافی مختلف ہوتا ہے لیکن یہ ہر ملک کی خصوصیات کا بھی حصہ ہے۔ہماری تخلیق بعض اوقات بہت زیادہ قدرتی ہو سکتی ہے، یہ وہ بڑا فرق ہے جو میں نے دیکھا ہے ورنہ دنیا بھر میں فلم سازی ایک ہی زبان بولتی ہے۔