گجرات پولیس کا چوہدری پرویز الٰہی کے گھر پر چھاپہ

گجرات میں پولیس نے سابق وزیراعلیٰ پنجاب چوہدری پرویز الٰہی کے گھر پر چھاپہ مارا پولیس اہلکاروں نے گھر کے اندر داخل ہوکر تمام کمروں کی تلاشی لی۔پولیس اہلکار گھر کی دیواریں پھلانگ کر اندر داخل ہوئے اور ملازمین سے چوہدری پرویز الٰہی کا پوچھتے رہے ۔پولیس نے کنجاہ ہاﺅس سے حراست میں لیے گئے تین ملازمین کو پوچھ گچھ کے بعد رہا کردیا ۔گجرات میں پولیس نے چوہدری وجاہت حسین کی رہائشگاہ نت ہاﺅس پر بھی چھاپہ مارا اور کمروں کی تلاشی لی ۔مونس الٰہی نے کہاکہ پولیس نے کنجاہ ہاﺅس پر چھاپہ مارا پولیس کے پاس سرچ وارنٹ بھی نہیں ہے ۔یہاں یہ بات قابل ذکر ہے کہ پولیس کی نفری چوہدری پرویز الٰہی کی رہائشگاہ کے باہر موجود ہیں۔