کسٹمز نے ڈمپر میں لوڈ کروڑوں کی چھالیہ اور4اسمگل گاڑیاں ضبط کرلیں

کراچی:ڈائریکٹوریٹ آف کسٹمز انٹیلی جنس اینڈانویسٹی گیشن کراچی نے انسداد اسمگلنگ مہم کے تحت 5.4روپے مالیت کی چھالیہ اور نان کسٹم پیڈ گاڑیاں ضبط کرلی ہیں۔ذرائع نے ہمارے نمائندے کو بتایا کہ ڈائریکٹر کسٹمز انٹیلی جنس کراچی کا ثاکف سعید کو اطلاع موصول ہوئی کہ ایک ڈمپر کے ذریعے بھاری مقدار میں چھالیہ اسمگل کرنے کی کوشش کی جارہی ہے جس پر ڈپٹی ڈائریکٹر انعام اللہ وزیر کی قیادت میں ایک چھاپہ مار ٹیم تشکیل دی گئی جس نے نادرن بائی پاس کے علاقے کی نگرانی کی اس دوران ایک سڑک پر جانے والے ایک مشکوک ڈمپر کو روک کر اس کی تلاشی لی گئی تو ڈمپر سے مضر صحت اسمگل چھالیہ برآمد ہوئی۔ذرائع نے بتایا کہ اسمگلرز مذکورہ ڈمپر کے آگے اور پیچھے 2گاڑیوں کے ذریعے نگرانی بھی کررہے تھے جنہوں نے چھاپے کے دوران ٹیم کے ساتھ زبردست مزاحمت کی تو ڈائریکٹوریٹ سے مزید نفری طلب کر کے ہنگامہ آرائی پر قابو پانے کے بعد بہادری سے ڈمپر کو قبضے میں لے کر بھاری مقدار میں اسمگل شدہ مضر صحت چھالیہ قبضے میں لی گئی۔