کرم میں جاری قبائلی تصادم میں مزید 6 افراد جاں بحق ، تعداد 55 ہوگئی

کرم کے مختلف علاقوں میں گذشتہ کئی رو ز سے دوقبائل کے درمیان گذشتہ 9 روز سے جھڑپیں جاری ہیں ۔رات جھڑپوں میں مزید 6 افراد جاں بحق اور 10 زخمی ہوئے ، گذشتہ 9 روز کے دوران جاںبحق افراد کی تعداد 55 ہوگئی ہے جبکہ 105 افراد زخمی ہوئے ہیں ۔جھڑپوں میں قبائل ایک دوسرے کیخلاف بھاری اور خود کار ہتھیار استعمال کررہے ہیں ۔جھڑپوں کے باعث علاقے میں آمد ورفت کے راستے ، تعلیمی ادارے ، انٹر نیٹ اور موبائل فون سروس بند ہے ۔پولیس کے مطابق جرگے کی کامیاب کوششوں کے بعد شام سے صدا بالش خیل کے درمیان فائر بندی ہوگئی جبکہ مزید 8 علاقوں میں فائر بندی کیلئے جرگہ ضلعی انتظامیہ اور فورسز کی کوششیں جاری ہیں ۔