کراچی کے نمونوں میں پولیو وائرس کی تصدیق کے بعد پولیو مہم کا آغاز

کراچی کے ماحولیاتی نمونوں میں پولیو وائرس کی تصدیق کے بعد انسداد پولیو مہم کا آغاز کردیاگیا۔محکمہ صحت کے حکام کے مطابق سندھ کے مختلف اضلاع میں انسداد پولیو مہم 25 جون تک جاری رہے گی ۔مہم کے دوران 5 سال سے کم عمر 18 لاکھ بچوں کو ویکسین پلانے کا ہدف مقرر کیاگیا ہے ، انسداد پولیو مہم سندھ کے 9 اضلاع کی 120 یوسیز میں شروع کی جارہی ہے ۔محکمہ صحت کا کہنا ہے کہ انسداد پولیو مہم حیدر آباد اور جامشورو میں ہوگی ، پولیو مہم کراچی کے ضلع وسطی ، شرقی کیماڑی ،کورنگی ، ملیر، جنوبی ، اور غربی میں ہوگی