نیپرا کے الیکٹرک کے لئے بجلی10روپے80پیسے فی یونٹ سستی کرنے کی منظوری دے دی جسے کراچی کے صارفین کو12ارب 71کروڑ روپے سے زائد کا ریلیف ملے گا۔کے الیکٹرک نے ایف سی اے کی مد میں 10روپے26پیسے فی یونٹ کمی کی درخواست جمع کروائی تھی لیکن نیپرا کی ڈیٹا کی جانچ پڑتال کے مطابق نومبر کے ایف سی اے کی مد میں کمی10روپے80پیسے فی یونٹ بنتی ہے۔اس سے قبل نومبر کا ایف سی اے صارفین سے7روپے43پیسے فی یونٹ کمی سے چارج کیا گیا تھا جو کہ صرف ایک ماہ کے لئے تھا۔دسمبر کا ایف سی اے نومبر کی نسبت 3روپے37پیسے فی یونٹ صارفین سے مزید کم چارج کیا جائے گا۔