کراچی ایئرپورٹ خودکش حملے کا ایک اور مقدمہ درج کرلیا گیا

کراچی: کراچی ایئرپورٹ خودکش حملے کا ایک اور مقدمہ درج کر لیا گیا۔مقدمے میں کالعدم بی ایل اے مجید بریگیڈ کے اہم کمانڈروں کو نامزد کیا گیا ہے، نامزد ملزموں میں دھماکے کے ماسٹر مائنڈ بشیر احمد بلوچ عرف بشیر زیب کا نام بھی شامل ہے جبکہ عبدالرحمان عرف رحمان گل کے علاوہ نجی بینک کی حب چوکی کا افسر اور اکانٹ ہولڈر بھی نامزد ہیں۔
مقدمے میں دہشتگردی، ٹیررفنانسنگ، دھماکا خیز مواد، قتل اوردیگر دفعات بھی شامل کی گئی ہیں۔رواں برس اکتوبر کے پہلے ہفتے میں کراچی ایئرپورٹ کے سگنل کے قریب خودکش دھماکے میں 2 چینی شہریوں سمیت 3 افراد ہلاک جبکہ رینجرز اہلکاروں سمیت 17 افراد زخمی ہوئے تھے۔