کابینہ کو آئینی ترامیم کا علم نہیں، مجھے کیسے معلوم ہوگا، نائب وزیراعظم

اسلام آباد: نائب وزیراعظم و وزیر خارجہ سینیٹر اسحاق ڈار نے کہا ہے کہ کابینہ کو آئینی ترامیم کا علم نہیں، مجھے کیسے پتہ چلے؟چیئرمین پیپلز پارٹی بلاول بھٹو سے مسلم لیگ ن کے وفد نے پارلیمنٹ ہاؤس میں ملاقات کی جس میں آئینی ترمیم پر تبادلہ خیال کیا گیا۔ملاقات کے بعد صحافی نے اسحاق ڈار سے سوال کیا کہ کون سی آئینی ترامیم لا رہے ہیں؟ جس پر انہوں نے جواب دیا کہ کابینہ کو ترمیم کا علم نہیں، مجھے کیسے پتہ چلے گا۔انہوں نے کہا کہ مولانا سے ملاقاتیں ہوتی ہیں اور ضرورت پڑی تو مولانا سے ملتے ہیں۔صحافی نے سوال کیا کہ کیا آپ نے کبھی مفاد عامہ اور مہنگائی کے لیے راتیں جاگیں؟جس پر اسحاق ڈار نے جواب دیا کہ آپ کے مطابق مہنگائی سنگل ہندسوں میں آگئی ہے۔وزیراعظم نذیر تارڑ نے کہا کہ آئینی ترمیم کا فیصلہ کمیٹی کرے گی، آئینی ترامیم پہلے کابینہ اور پھر ایوان میں لائیں گے۔