ڈپٹی اسپیکر قومی اسمبلی کی غیر اعلانیہ لو ڈشیڈنگ بند کرنیکی رولنگ

قومی اسمبلی کے ڈپٹی اسپیکر زاہد اکرم درانی نے کہا کہ تمام بجلی فراہم کرنیوالی کمپنیوں کو ہدایت کی جاتی ہے کہ غیر اعلانیہ لوڈ شیڈنگ بند کی جائے ۔قومی اسمبلی اجلاس میں اظہار خیال کرتے ہوئے پبلک اکاﺅنٹس کمیٹی (پی اے سی )کے چیئرمین نور عالم خان نے کہا کہ گرمی میں عوام کا برا حال ہے نہ بجلی کا وزیر آرہا ہے نہ پانی کا ، پورے ملک میں بجلی کا بحران ہے ظلم یہ کرتے ہیں اور گالیاں ہم کھاتے ہیں ۔نور عالم خان نے کہا کہ بجلی کانرخ روز بڑھ رہا ہے لیکن لوگوں کو بجلی نیں دی جارہی کیا ہم اس لیے حکومت میں آئے تھے ۔