ڈاکوﺅں کیخلاف آپریشن، آئی جی سندھ سکھر پہنچ گئے

آئی جی سندھ غلام نبی میمن ڈاکوﺅں کیخلاف آپریشن کے موقع پر سکھر پہنچ گئے ، پولیس حکام کے مطابق آئی سندھ کشمور ،شکاپور اور گھوٹکی کے کچے کا دورہ کرینگے ۔پولیس حکام نے بتایا کہ کشمور اور گھوٹکی میں اجلاس بھی طلب کرلیاگیا ہے۔دوسری جانب کچے کے ڈاکوﺅں کیخلاف آپریشن کی نگرانی کیلئے موقع پر پہچننے والے آئی جی عثمان انور اور ڈی پی او رحیم یار خان پر ڈاکوﺅں نے فائرنگ کردی جسکے نتیجے میں ایک ہیڈ کانسٹیبل زخمی ہوگیا۔آئی جی پنجاب عثمان انور کا کہنا تھا کہ کچے کے علاقے میں پولیس چوکیاں مکمل بحال کردی گئی ہیں جبکہ انٹیلی جنس بیسڈ آپریشن بھی جاری ہے ۔ان کا کہنا ہے کہ آپریشن کیلئے پنجاب سے دو ہزار جوانوں پر مشتمل نفری بھجوائی گئی ہے جن میں سے مجموعی طورپر گیارہ ہزار جوان آپریشن میں حصہ لے رہے ہیں ان کا یہ بھی کہنا ہے کہ سندھ پولیس بھی اپنے علاقے میں آپریشن کا آغاز کررہی ہیں ۔