چیف جسٹس قاضی فائز عیسیٰ نے دو قیمتی سرکاری گاڑیاں واپس کردیں

چیف جسٹس پاکستان قاضی فائز عیسیٰ نے دو قیمتی سرکاری گاڑیاں واپس کردیں دونون سرکاری گاڑیاں چیف جسٹس پاکستان کے استعمال کیلئے مختص ہیں ۔سپریم کورٹ کے رجسٹرار نے سیکریٹری کابینہ اور چیف سیکریٹری پنجاب کو خط لکھ کر آگاہ کیا ہے کہ چیف جسٹس کے علم میں آیا ہے سپریم کورٹ نے چیف جسٹس کیلئے ستمبر 2020 ءمیں لگژری کا ر خریدی جس کی مالیت چھ کروڑ دس لاکھ روپے ہے ۔رجسٹرار سپریم کورٹ کے خط کے مطابق چیف جسٹس کیلئے ایک بالکل نئی بلٹ پروف لگژری گاڑی بھی حکومت پنجاب نے دی ، دونوں گاڑیاں جی اوآر لاہور میں سپریم کورٹ ریسٹ ہاﺅس میں کھڑی ہیں