چیف جسٹس اصولی موقف پر چٹان کی طرح کھڑے ہیں ، شاہ محمود

شاہ محمود قریشی کاکہنا ہے کہ سپریم کورٹ کا فیصلہ ایک سنہری باب ہے چیف جسٹس اصولی موقف پر چٹان کی طرح کھڑے ہوگئے ہیں ۔پی ٹی آئی کے یوم تشکر پر کارکنان سے خطاب کرتے ہوئے شاہ محمود قریشی نے کہا کہ نظریہ ضرورت دفن ہوگیا ہے ، انہوں نے مزید کہا کہ پنجاب اور کے پی میں بھی الیکشن کے بعد ملک میں استحکام آئیگا۔انہوں نے کہا کہ ملک میں استحکام کے بعد معیشت پر توجہ مرکوز ہوسکے گی کارکنان ہر حلقے میں ورک کریں تاکہ عمران خان کو تاریخی فتح ملے ، پی ٹی آئی رہنما کا کہنا تھا کہ سات سے آٹھ لاکھ پاکستانی ملک چھوڑ گئے ہیں شاہ محمود کا کہنا تھا کہ چیف جسٹس نے آئین کو پامال نہیں ہونے دیا