پی ٹی آئی نے ملک بھر میں آرٹیکل 245 کانفاذ سپریم کورٹ میں چیلنج کردیا

اسلام آباد: پی ٹی آئی نے ملک بھر میں آرٹیکل 245کانفاذ سپریم کورٹ میں چیلنج کردیا ۔پی ٹی آئی کے ایڈیشنل سیکرٹری جنرل عمر ایوب نے بیرسٹر گوہر کے توسط سے درخواست دائر کی ہے ۔درخواست میں موقف اختیار کیا گیا ہے کہ آرٹیکل 245 کا استعمال سیاسی مقاصد کیلئے نہیں کیاجاسکتا، آرٹیکل 245 کانفاذ سیاسی مخالفین کو افواج سے لڑانے کیلئے ہے۔درخواست میں کہا گیا ہے کہ فوجی عدالتوں میں ٹرائل بنیادی حقوق کیخلاف ہے ، آئین ہر شہری کو شفاف اور منصفانہ ٹرائل کا حق دیتا ہے تاریخ میں کبھی ہزاروں سیاسی کارکنوں اور لیڈر کافوی عدالت میں ٹرائل نہیں ہوا۔درخواست میں استدعا کی گئی ہے کہ عدالت آرٹیکل 245 کانفاذ اور اس کے تحت ہونیوالا کریک ڈاﺅن کالعدم قرر دے