پی ٹی آئی امید وار ریحان زیب خان فائرنگ سے جاں بحق

باجوڑ کے قومی اسمبلی کے حلقہ این اے 8 اور صوبائی اسمبلی کے حلقہ پی کے 22 سے پی ٹی آئی کے حمایت یافتہ امیدوار ریحان زیب خان فائرنگ سے جاں بحق ہوگئے۔باجوڑ پولیس کے مطابق ریحانزیب انتخابی مہم کے سلسلے میں صدیق آباد گیٹ پر موجود تھا۔باجوڑ پولیس کا یہ بھی کہنا ہے کہ نامعلوم افراد نے فائرنگ کر کے ریحانزیب خان کو قتل کر دیا اور باآسانی فرار ہو گئے۔مقتول ریحان زیب کی لاش کو پوسٹ مارٹم کے لیے اسپتال منتقل کر دیا گیا ہے، پولیس ملزمان کی گرفتاری کے لیے واقعے کی تفتیش کر رہی ہے۔