پیٹرولیم مصنوعات کی قیمتوں میں کمی کااعلان

پیٹرولیم مصنوعات کی قیمتوں میں کمی کا اعلان کردیاگیا ، جس کا اطلاق آج رات بارہ بجے سے ہوگا۔وزارت خزانہ نے پیٹرولیم مصنوعات کی نئی قیمتوں کا نوٹیفکیشن جاری کردیا ۔نوٹیفکیشن کے مطابق دو روپے چار پیسے کمی کے بعد پیٹرول کی نئی قیمت 281روپے 34 پیسے فی لیٹر مقرر کردی گئی ہے ۔لائٹ ڈیزل آئل کی قیمت 9 روپے فی لیٹر کمی کے بعد 180 روپے45 پیسے فی لیٹر مقرر کی گئی ہے ۔ڈیزل کی قیمت میں چھ روپے 37 پیسے کمی کی گئی ہے جس کے بعد نئی قیمت 296 روپے71 پیسے ہوگئی ہے ۔نوٹیفکیشن کے مطابق مٹی کے تیل کی قیمت میں فی لیٹر چھ روپے پانچ پیسے کمی کی گئی ہے جس کے بعد نئی قیمت 204 روپے 98 پیسے فی لیٹر ہوگی۔