پولیس والد کو نامعلوم مقام پر لے گئی ، حماد اظہر

تحریک انصاف کے رہنما حماد اظہر کا کہنا ہے کہ میرے والد کو پولیس نامعلوم مقام پر لے گئی ہے ۔حماد اظہر نے اپنے ایک بیان میں کہا کہ میرے والد میاں محمد اظہر کی عمر 82 سال ہے اور وہ شدید بیمار ہیں ۔دوسری جانب پنجاب پولیس نے جناح ہاﺅس حملہ کیس میں پاکستان تحریک انصاف کی رہنما ڈاکٹر یاسمین راشد کی رہائی کا حکم چیلنج کرنے کا فیصلہ کیاہے ۔پنجاب پولیس کے مطابق تمام حقائق اور فارنزک شواہد عدالت میں پیش کیے جائینگے ۔یاسمین راشد کیخلاف تھانہ شادمان میں بھی مقدمہ درج ہے مقدمے میں میاں محمود الرشید ،حماد اظہر ، میاں اسلم اقبال نامزد ہیں مقدمے میں فرخ حبیب مسرت چیمہ ، زبیرنیازی سمیت 50 نامعلوم ملزمان شامل ہیں