پنجاب انتخابات ، وفاقی حکومت نے 14 مئی کو الیکشن کے فیصلے پر نظر ثانی کی استدعا کردی

اسلام آباد: پنجاب میں انتخابات کرانے کے فیصلے کیخلاف الیکشن کمیشن کی نظر ثانی درخواست پر وفاقی حکومت نے سپریم کورٹ میں جواب جمع کروا دیاوفاقی حکومت نے سپریم کورٹ سے پنجاب میں 14 مئی کو انتخابات کے فصلے پر نظرنثانی کی استدعا کی ہے ۔وفاقی حکومت نے اپنے جواب میں کہا ہے کہ آزادانہ اور شفاف انتخابات کروانے کی آئینی ذمہ داری الیکشن کمیشن کی ہے سپریم کورٹ نے خود تاریخ دیکر الیکشن کمیشن کے اختیار کو غیر موثر کر دیا،پنجاب میں انتخابات پہلے ہوئے تو قومی اسمبلی کے انتخابات متاثر ہونے کا اندیشہ ہے۔وفاقی حکومت کا کہنا ہے کہ پنجاب سب سے زیادہ نشستیں رکھنے والا صوبہ ہے ، پنجاب میں جیت سے یہ تعین ہوتا ہے کہ مرکز میں حکومت کون کرنگا پنجاب میں انتخابات قومی اسمبلی کیساتھ ایک ہی وقت میں ہونے چاہئیں ،سپریم کورٹ اپنے 4 اپریل کے فیصلے پر نظر ثانی کرے