پرویز الٰہی ڈی نوٹیفائی،پی ٹی آئی کا گورنر پنجاب کو ہٹانے کیلئے صدر کو خط لکھنے کا اعلان

لاہور:پاکستان تحریک انصاف نے گورنر پنجاب کی جانب سے وزیر اعلیٰ پرویز الٰہی کو ڈی نوٹیفائی کرنے کے معاملے پر ردعمل دیتے ہوئے کہا ہے کہ اب گورنر پنجاب کو عہدے سے ہٹانے کے لئے صدر کو ریفرنس بھیجا جائے گا۔گورنر پنجاب کی جانب سے چوہدری پرویز الٰہی کو بطور وزیر اعلیٰ سبکدوش اور صوبائی کابینہ کو تحلیل کرنے کا نوٹیفکیشن جاری ہونے کے بعد پی ٹی آئی کے رہنما فواد چوہدری نے سخت ردعمل دیا۔فواد چوہدری نے کہا کہ گورنر کی جانی سے وزیر اعلیٰ کو ڈی نوٹیفائی کرنے کی کوئی قانونی حیثیت نہیں ہے،پرویز الٰہی اور صوبائی کابینہ بدستور اپنے فرائض انجام دیتے رہیں گے۔