ہانگ کانگ: پاکستان نے چھٹی بار ہانگ کانگ سکسز کا ٹائٹل جیت لیا۔پاکستان نے فائنل میں کویت کو 43 رنز سے شکست دی، قومی ٹیم سب سے زیادہ مرتبہ ہانگ کانگ سکسز جیتنے والی ٹیم بن گئی، آخری بار پاکستان نے 2011 میں ٹائٹل جیتا تھا۔
قبل ازیں کویت نے ٹاس جیت کر پاکستان کو پہلے بیٹنگ کرنے کی دعوت دی، پاکستان نے مقررہ 6 اوورز میں 3 وکٹوں کے نقصان پر 135 رنز بنائے، کپتان عباس آفریدی 52 رنز بنا کر ریٹائرڈ ہرٹ ہوئے، عبدالصمد 42، خواجہ نافع 22 اور شاہد عزیز بغیر کوئی رن بنائے آؤٹ ہوئے، معاذ صداقت 10 اور محمد شہزاد 4 رنز بنا کر ناٹ آؤٹ رہے۔
136 رنز کے ہدف کے تعاقب میں کویت کی ٹیم 92 رنز ہی بنا سکی۔خیال رہے کہ پاکستان ٹیم نے سیمی فائنل میں آسٹریلیا کو سنسنی خیز مقابلے کے بعد ایک رن سے شکست دی تھی، جبکہ کویت نے سیمی فائنل میں انگلینڈ کو 37 رنز سے شکست دے کر فائنل میں رسائی حاصل کی۔