پاکستان تحریک انصاف نے آج ڈی چوک میں احتجاج موخر کر دیا

اسلام آباد: احتجاج موخر کرنے کا فیصلہ پی ٹی آئی کی سیاسی کمیٹی کے اجلاس میں کیا گیا، سیاسی کمیٹی کے اجلاس میں اکثریت نیکہا کہ احتجاج کی کال واپس لی جائے، احتجاج موخر کرنے کا فیصلہ شنگھائی تعاون تنظیم (ایس سی او)اجلاس کے تناظر میں وسیع تر ملکی مفاد میں کیا گیا۔ پی ٹی آئی کی سینئر قیادت احتجاج مخر کرنے سے متعلق کچھ دیر میں باضابطہ اعلان کرے گی۔ پی ٹی آئی نے شنگھائی تعاون تنظیم کے سربراہی اجلاس کے موقع پر 15 اکتوبر کو ڈی چوک میں احتجاج کا اعلان کیا تھا۔ تحریک انصاف نے شرط لگا رکھی تھی کہ بانی پی ٹی آئی سے ملاقات کرائی جائے تو 15 اکتوبر کو ڈی چوک پر احتجاج ملتوی کردیں گے۔پمز ہسپتال کے ڈاکٹرز آج صبح اڈیالہ جیل میں بانی پی ٹی آئی کا معائنہ کریں گے۔ ذرائع کے مطابق حکومت نے بانی پی ٹی آئی سے ذاتی معالج کو بھی ملنے کی اجازت دے دی ہے، بانی پی ٹی آئی کے ذاتی معالج آج صبح اڈیالہ جیل میں ان کا طبی معائنہ کریں گے۔