پارلیمنٹ ہاﺅس کی عمارت کا نام تبدیل کیاجائے ، چیئرمین سینیٹ کا اسپیکر قومی اسمبلی کو خط

صادق سنجرانی نے پارلیمنٹ ہاﺅس کا نام تبدیل کرنے کے ضمن میں پارلیمانی کمیٹی تشکیل دینے کیلئے اسپیکر قومی اسمبلی کوخط لکھ دیا ۔سنجرانی نے اسپیکر قومی اسمبلی راجہ پرویز اشرف کو خط میں کہا کہ پارلیمنٹ ہاﺅس کی عمارت کانام تبدیلی کیلئے پارلیمانی کمیٹی تشکیل دینے کا فیصلہ کیا ہے۔خط میں کہا گیا ہے کہ پارلیمنٹ ہاﺅس کو ایسے نام سے منسوب کیاجائے جس کا ہمارے ثقافتی ورثہ سے گہرا تعلق ہو ، پارلیمنٹ ہاﺅس کو ایسا نام دیاجائے جو ہماری قومی اقدار کو براقرار رکھے اور قوم کے اتحاد کی علامت ہو۔پارلیمانی کمیٹی کاکام غورو خوش کے ذریعے پارلیمنٹ ہاﺅس کیلئے مناسب نا م تجویز کرنا ہے ۔سنجرانی نے اسپیکر قومی اسمبلی راجہ پرویز اشرف کو خط میں کہا کہ دنیا بھر میں متعدد پارلیمنٹ عمارتوں کے مقامی نام ہیں ۔ اس ضمن میں پارلیمانی کمیٹی کیلئے سینیٹ سے تاج حیدر ، عرفاق صدیقی ، شبلی ، فراز اور منظور احمد کا نام تجویز کیا ہے ، آپ بھی اسمبلی سے چار ممبران کے نام تجویز کریں ۔