نیوکراچی میں نامعلوم افراد نے نوجوان کو تیز دھار آلے سے قتل کردیا

نیو کراچی میں نامعلوم افراد نے نوجوان کو قتل کردیا۔پولیس کے مطابق قتل کی واردات نیو کراچی کے انڈسٹریل ایریا میں ہوئی جہاں نامعلوم افراد نے تیز دھار آلے سے نوجوان کو قتل کیا۔پولیس کے مطابق نوجوان کی شناخت بائیس سالہ اسحاق کے نام سے ہوئی ہے جو تولیہ فیکٹری میں چوکیدار تھا اور اس نے پانچ روز قبل ہی ملازمت شروع کی تھی ۔