نجم سیٹھی پی ایس ایل کا فائنل دیکھنے کے بعد دبئی جائینگے

پاکستان کرکٹ بورڈ کی مینجمنٹ کمیٹی کے چیئرمین نجم سیٹھی پی ایس ایل کا فائنل دیکھنے کے بعد دبئی جائینگے۔ اپنے نمائندے کیمطابق نجم سیٹھی کو آئی سی سی اور اے سی سی کیاجلاسوں میں شرکت کرنی ہے جس کیلئے وہ 19 مارچ کی صبح دبئی روانہ ہونگے۔انٹرنیشنل کرکٹ کونسل کا اجلاس اٹھارہ سے بیس مارچ تک دبئی میں شیڈول ہے جبکہ ایشین کرکٹ کونسل ایگزیکٹو کا اجلاس اکیس مارچ کو دبئی میں ہوگا۔ پاکستان کرکٹ بورڈ کے چیف ایگزیکٹو فیصل حسنین اور سی او او سلمان نصیر آج دبئی روانہ ہورہے ہیں ذرائع کے مطابق آئی سی سی میٹنگز میں پاکستان چیمپئنز ٹرافی کے حوالے سے تفصیلی برفینگ دے گا جبکہ اے سی سی اجلاس میں پاکستان ایشیا کپ کی میزبانی کے حوالے سے سخت موقف اپنائے گا۔