مولانا فضل الرحمان کی بلاول کو آئینی ترمیم پر ووٹ دینے کی یقین دہانی

اسلام آباد:چیئرمین پاکستان پیپلزپارٹی بلاول بھٹو اور سربراہ جے یو آئی مولانا فضل الرحمان کے درمیان ٹیلیفونک رابطہ ہوا جس میں سربراہ جے یو آئی مولانا فضل الرحمان نے چیئرمین پی پی بلاول بھٹو کو آئینی ترمیم پر ووٹ دینے کی یقین دہانی کراتے ہوئے کہا کہ ہمارے ارکان اسمبلی پہنچ گئے ہیںچیئر مین پی پی بلاول بھٹو زرداری پارلیمنٹ ہاؤس آمد کے موقع پر صحافیوں سے غیر رسمی گفتگو کرتے ہوئے نے کہا کہ آپ سب کو 26ویں آئینی ترمیم مبارک ہو ، یہ ایکٹ فوری طور پر نافذ العمل ہو گا، ترمیم میں کوئی متنازع نقطہ نہیں بچا۔ پی ٹی آئی کے لیے مولانا اور میں نے کوشش کی کہ انہیں سیاسی جماعت مانیں اور وہ سیاسی جماعت کے طور پر انگیج ہوں، دو ماہ سے مولانا ان سے بات چیت کر رہے ہیں، پی ٹی آئی کے اعتراضات میں سے اب کونسا پوائنٹ باقی رہتا ہے۔ پی ٹی آئی نے مولانا سے طے کیا صبح ملاقات کرنی ہے، میری اور مولانا کی پریس کانفرنس کے بعد پی ٹی آئی کا ردعمل آیا، میری اور مولانا کی پریس کانفرنس کے بعد جو پی ٹی آئی کا ردعمل آیا وہ افسوس ناک بات ہے۔ آج تک ترمیم کے حوالے سے ایک بھی تجویز پی ٹی آئی نے نہیں دی، امید ہے آج وہ مولانا فضل الرحمان سے ملیں گے، ان سے درخواست کرتا ہوں ان کو ساتھ دینا چاہئے۔ پی ٹی آئی ساتھ ہو یا نہ ہو ہماری کوشش ہے کہ ترمیم ہو جائے، اب کوئی مجھے جلد بازی کا طعنہ نہیں دے سکتا، آج یہ کام پورا ہونے جارہا ہے، میری پوری کوشش تھی مولانا سے ملکر اتفاق رائے سے بل پاس ہوگا۔ جسٹس منصور علی شاہ نے خود سنیارٹی کے ساتھ میرٹ کی بات کی ہے، ایک جج نے مجھے اور آصفہ بی بی کو وہ انصاف دیا جو کوئی کبھی نہیں دے سکا۔