مغرب آگ پر تیل چھڑکنے کے سوا کچھ نہیں کررہا، ترک صدر

ترک صدر رجب طیب اردوان نے غزہ کی صورتحال سے متعلق مغرب کے رویے پر ردعمل کا اظہار کیا ہے۔ترک صدر نے کہا کہ اسرائیل فلسطین کشیدگی میں مغرب آگ پر تیل چھڑکنے کے سواکچھ نہیں کررہا ، اقوا م متحدہ کی سلامتی کونسل اپنی ذمہ داری نبھانے میں ناکام رہی ۔رجب طیب اردوان کا مغرب کے رویے پر کہنا تھا کہ عالمی میڈیا متعصبانہ نشریات سے قتل عام کی پردہ پوشی کررہاہے ۔انہوں نے کہاکہ او آئی سی کی ایگز یکٹو کمیٹی کا غیر معمولی اجلاس قابل تعریف ہے ، فلسطینیوں کیساتھ یکجہتی اور فلسطین کا ز کی حمایت کرتے ہیں انسانی امدادی سامان سے لدے 3 طیارے مصر روانہ کیے ہیں۔