لاہور: کئی مقامات پر سڑکوں سے رکاوٹیں ہٹا دی گئیں، بس اڈے بند

لاہور:لاہور میں کئی مقامات پر سڑکوں سے رکاوٹیں ہٹا دی گئیں، داتا دربار، آزادی چوک اور شاہدرہ پر ٹریفک جزوی طور پر بحال ہو گئی ،کنٹینرز اور ٹرکوں کو ہٹا کر ایک گاڑی کے گزرنے کا راستہ بنا دیا گیا ہے جبکہ ایمرجنسی کی صورت راستے دوبارہ بند کیے جا سکتے ہیں تاہم پولیس موقع پر موجود ہے
لاہور میں موٹر ویز کے مختلف سیکشنز آج چوتھے روز بھی بند ہیں جبکہ جنرل بس سٹینڈ، بادامی باغ اور بند روڈ کے اڈے بھی بدستور بند ہیں۔صدر آل پاکستان پبلک ٹرانسپورٹ اونرز فیڈریشن کا کہنا ہے کہ بس اڈے 4 روز سے بند پڑے ہیں، ٹرانسپورٹرز کو شدید مشکلات ہیں، ہمیں کروڑوں روپے کا نقصان ہو چکا ہے، ہمارا کسی سیاسی جماعت سے تعلق نہیں۔