لاڑکانہ ،2 گروپوں کے درمیان فائرنگ سے 6 افراد ہلاک

لاڑکانہ میں نوڈیروبائی پاس کے قریب دو گروپوں میں فائرنگ سے 6 افراد جاں بحق اور 5 زخمی ہوگئے۔مقامی پولیس کے مطابق جائے وقوعہ پر پہنچی مہوتا پولیس پر بھی فائرنگ کی گئی۔پولیس کا کہنا ہے کہ تھانہ مہوٹہ کے اے ایس آئی سلطان شاہ فائرنگ کی زد میں آکر شہید ہوئے۔ایس ایس پی عبدالرحیم شیرازی کے مطابق پولیس کی مزید نفری روانہ کر دی گئی ہے۔پولیس کا کہنا ہے کہ ایک شدید زخمی کو فوری طور پر کراچی منتقل کر دیا گیا ہے، زخمیوں میں ڈی ایس پی مہوتا بشیر احمد شر اور سپاہی صدام حسین شامل ہیں۔