لال حویلی سیل کردی گئی

راولپنڈی میں سابق وزیر داخلہ شیخ رشید کی رہائشگاہ لال حویلی خالی کروا کر سیل کردی گئی سابق وزیر کے وکیل سردار عبدالرزاق ایڈووکیٹ نے کہا ہے کہ شیخ رشید کی رہائشگاہ کو خالی کرا کر سیل کیاجارہاہے سردار عبدالرزاق ایڈووکیٹ نے کہا کہ شیخ رشید کی غیر قانونی گرفتاری کے بعد لال حویلی کیخلاف آپریشن کا فیصلہ کیاگیا ۔لال حویلی کیخلاف آپریشن کے حوالے سے ہمیں کوئی اطلاع موصول نہیں ہوئی ہائیکورٹ راولپنڈی بینچ نے شیخ صدیق کی درخوات پر ایو کیو ٹرسٹ کو نوٹس جاری کررکھے ہیں ۔ان کا کہنا ہے کہ شیخ رشید احمد کے بھائی شیخ صدیق نے 1987 میں لال حویلی خریدی تھی ، موجودہ انتقامی کارروائی کے دوران لال حویلی کیخلاف فیصلہ تیار کیا گیا ۔دوسری جانب متروکہ وقف املاک کے ڈپٹی ایڈ منسٹر یٹر آصف خان کا کہنا ہے کہ لال حویلی کو مکمل طورپر سیل کیاگیا ہے ، لال حویلی کا ڈی 158 یونٹ پوری لال حویلی کو ظاہر کرتا ہے ۔