فیفا ورلڈ کپ:برازیل جنوبی کوریا کو شکست دیکر کوارٹر فائنل میں پہنچ گیا

دوحا:فیفا ورلڈ کپ میں برازیل نے جنوبی کوریا کو شکست دیکر کوارٹر فائنل میں جگہ بنالی۔اسٹیڈیم راس ابو عبود میں کھیلے گئے میگا ایونٹ کے چھٹے پری کوارٹر فائنل میں برازیل نے جنوبی کوریا کو ایک کے مقابلے میں چار گول سے شکست دیدی۔برازیل کی جانب سے ونی جونیئر نے ساتویں منٹ میں گول کرتے ہوئے ٹیم کو برتری دلائی جس کو نیمار نے13ویں منٹ میں پینیلٹی پر گول سکور کرتے ہوئے دگنا کردیا۔رچالیس نے 29منٹ میں تیسرا گول کر کے برتری میں مزید اضافہ کیا اور 36ویں منٹ میں لوکاس پیکیٹا نے چوتھا گول سکور کر کے برازیل کی فتح کو یقینی بنا دیا۔جنوبی کوریا کی جانب سے پائک سیونگ ہونے76ویں منٹ میں ٹیم کی جانب سے پہلا اور واحد گول سکور کیا۔