غزہ پر اسرائیلی حملے شدت کیساتھ شروع ، صبح سے ابتک 32 فلسطینی شہید

سات روزہ جنگ بند ی کے بعد غزہ بھر میں اسرائیلی حملے پوری شدت کیساتھ شروع کردیئے گئے ہیں ۔غزہ کے وسطی ، مغربی اور جنوبی علاقوں میں بمباری کی گئی ہے خان یونس اور جبالیہ میں گھر کو نشانہ بنایا گیاہے ۔صبح سے شروع ہونیوالے اسرائیلی حملوں میں 32 فلسیطنی شہید ہوگئے ہیں جن میں خواتین اور بچوں کی بڑی تعداد شامل ہے ۔اسرائیل نے آ ج حماس پر جنگ بندی معاہدے کی خلاف ورزی کا الزام عائد کرتے ہوئے غزہ پر دوبارہ حملے شروع کرنے کا اعلان کیا تھا۔اسرائیلی وزیراعظم کے دفتر نے غزہ جنگ میں اپنے اہداف حاصل کرنے کے عزم کا اظہار کیا ہے ۔