عوام پر مزید بوجھ نہیں ڈالا جائیگا، نگراں وزیر خزانہ

نگراں وزیر خزانہ ڈاکٹر شمشاد اختر نے کہا ہے کہ عوام پر مزید بوجھ نہیں ڈالا جائیگا۔ وفاقی حکومت کفایت شعاری کی پالیسی اپنائے گی ۔آئی ایم ایف سے مذاکرات پر میڈیا سے غیر رسمی گفتگو کرتے ہوئے نگراں وزیر خزانہ ڈاکٹر شمشاد اختر کا کہنا تھا کہ ٹیکس ہدف 9 ہزار 415 ارب روپے رہے گا۔انہوں نے کہا کہ وفاقی حکومت اخراجات میں کفایت شعاری کی پالیسی اپنائے گی انٹرنیشنل مانیٹری فنڈ کو یقین دہانی کروائی اخراجات میں کمی کرکے بجٹ خسارہ قابو میں رکھیں گے ۔ڈاکٹر شمشاد اختر کا کہنا تھا کہ آئی ایم ایف کیساتھ بات چیت مثبت انداز میں آگے بڑھ رہی ہے آئی ایم ایف کو نگراں حکومت کے اقدامات پر مکمل بھروسہ ہے ۔