عمران خان کی ضمانت کی 9 درخواستیں مسترد کرنے کا فیصلہ کالعدم

اسلام آباد ہائیکورٹ نے چیئرمین پی ٹی آئی کی ضمانت کی نو درخواستیں بحال کرنے کی استدعا پر محفوظ فیصلہ سنادیا۔چیف جسٹس عامر فاروق اور جسٹس طار ق محمود جہانگیر ی نے چیئرمین پی ٹی آئی کی درخواستیں بحال کرنے کی استدعا منظور کرلی ۔ان کیسز میں نو مئی کے تین مقدمات ،اسلام آباد میں احتجاج کے تین مقدمات ، توشہ خان ، جعلی سازی کیس، دفعہ 144 کی خلاف ورزی اور اقدام قتل کے مقدمات شامل ہیں ، 6 درخواتیں سیشن کورٹ اور تین انسداد دہشتگردی عدالتوں میں ہیں ،اسلام آباد ہائیکورٹ نے ٹرائل کورٹ میں ضمانت کی درخواستیں بحال کرتے ہوئے ضمانت خارج کرنے کے ٹرائل کورٹس کے فیصلے کالعدم قرار دے دیئے ۔