عمران خان کیخلاف توہین الیکشن کمیشن کی کارروائی جاری رکھنے کی اجازت

اسلام آباد:سپریم کورٹ نے عمران خان کے خلاف توہین الیکشن کمیشن کی کارروائی جاری رکھنے کی اجازت دے دی۔عدالت نے اپنے فیصلے میں کہا کہ الیکشن کمیشن عمران خان،فواد چوہدری،اور اسد عمر کے خلاف توہین الیکشن کمیشن کی کاروارئی جاری رکھے۔الیکشن کمیشن تحریک انصاف کے اعتراضات پر بھی قانون کے مطابق فیصلہ کرے۔سپریم کورٹ کے مطابق کسی ہائی کورٹ نے الیکشن ک میشن کو کارروائی سے نہیں روکا،سندھ اور لاہور کی ہائیکورٹ نے صرف حتمی فیصلہ جاری رکھنے سے روکا ہے۔الیکشن ایکٹ الیکشن کمیشن کو کارروائی کے لئے بااختیار بناتا ہے۔واضح رہے کہ الیکشن کمیشن نے ہائیکورٹ کی جانب سے دیئے گئے حکم امتناع سپریم کورٹ میں چیلنج کیے تھے۔