عمران خان ایسا پروپیگنڈا نہ کرو جو آپ کیلئے خطرناک ہو، رانا ثناء اللہ

وفاقی وزیر داخلہ رانا ثناء اللہ نے کہا ہے کہ عمران خان جھوٹا انسان ہے جو ہمیشہ الزام تراشی کرتا ہے وہ دراصل اپنے مخالفین کے خلاف پروپیگنڈا کررہا ہے۔انہوں نے کہا کہ عمران خان ایسے بیانات نہ دیں جو آپ کی زندگی کے لئے خطرہ بن جائیں۔لندن میں میڈیا سے گفتگو میں رانا ثناء اللہ نے کہا کہ پہلے اس نے کہا کہ چار لوگوں نے میرے قتل کی سازش تیار کی اور نام نہیں بتائے۔انہوں نے کہا کہ اس کے بعد عمران خان نے تین نام بتائے جس میں فوج کے سینئر افسر کے ساتھ میرا اور شہباز کا نام تھا۔وزیر داخلہ نے مزید کہا کہ اب وہ کہہ رہا ہے کہ آصف زرداری صاحب اسے قتل کرانے کی سازش کررہے ہیں۔دراصل عمران خان مخالفین کے خلاف پروپیگنڈا کررہا ہے۔