‘عشق مرشد’ کا گانا لکھا لیکن کریڈٹ نہیں ملا، جویریہ سعود

کراچی:
حال ہی میں نجی ٹی وی چینل کے مارننگ شو میں گفتگو کرتے ہوئے پاکستانی شوبز انڈسٹری کی معروف اداکارہ جویریہ سعود نے انکشاف کیا ہے کہ میں نے کئی پاکستانی ڈراموں کے ٹائٹل ٹریک لکھے ہیں لیکن مجھے کبھی کسی کا کریڈٹ نہیں دیا گیا۔اس موقع پرجویریہ سعود نے کہا کہ مجھے اپنے ہی دوستوں سے دھوکہ ملا، دوستوں کے دھوکے سے ہی انسان سیکھتا ہے اور مجھے اس بات کا کوئی پچھتاوا نہیں کہ مجھے میرے کام کا کریڈٹ نہیں دیا گیا۔معروف اداکارہ نے مزید کہا کہ میں نے مقبول ڈرامہ سیریز خدا اور محبت کا پہلا سیزن پروڈیوس کیا تھا جبکہ اس کا گانا بھی میں نے ہی لکھا تھا اور مقبولیت کی وجہ سے دوسرے سیزن میں بھی میرا لکھا گیا گانا شامل کیا گیا۔