عدلیہ میں جسٹس فائز عیسیٰ نے بیرونی مداخلت کے دروازے کھولے: جسٹس منصورعلی شاہ

اسلام آباد:سینئر جج جسٹس منصور علی شاہ کاچیف جسٹس قاضی فائز عیسی کی ریٹائرمنٹ کے حوالے سے فل کورٹ ریفرنس میں شرکت سے انکار،جسٹس منصور نے مراسلے میں کہا ہے کہ دنیا بھر میں ریٹائرڈ ہونے والے چیف جسٹس کو ان کی خدمات پر ان کے اعزاز میں ریفرنس دیا جاتا ہے، ماضی میں جب سابق چیف جسٹس ثاقب نثار نے اختیارات کا غلط استعمال کیا تو ان کے ریفرنس میں بھی شرکت سے انکار کیا، آج بھی میں نے انہی وجوہات کی بنا پر ریفرنس میں شرکت سے انکار کردیا
جسٹس منصور علی شاہ نے مزید کہا کہ آج وجوہات زیادہ پریشان کن ہے، چیف جسٹس کا بنیادی فرض شہریوں کے حقوق کا تحفظ کرنا ہے اور سب کو انصاف فراہم کرنا ہے، جسٹس قاضی فائز عیسی نے عدلیہ میں بیرونی مداخلت روکنے کے بجائے اس کے دروازے کھولے۔انہوں نے کہا کہ جسٹس قاضی فائز عیسی نے مداخلت روکنے کے لیے جذبہ دکھایا اور نہ ہی اخلاقی جرات ، جسٹس قاضی فائز عیسی نے عدلیہ کو کمزور کرنے اور اپنے قوانین بنانے کو مناسب گرانڈ دیا۔