عبدالقادر مندوخیل کا سوئیڈن کے سفیر کو ملک سے نکالنے کامطالبہ

پاکستان پیپلزپارٹی کے رکن قومی اسمبلی عبدالقادر مندوخیل نے مطالبہ کیا ہے کہ سوئیڈن ہو یا کوئی بھی ملک اس کے سفیر کو ملک سے نکالنا چاہیے ۔اسپیکر راجہ پرویز اشرف کی زیر صدارت پارلیمنٹ کا مشترکہ اجلاس مقرر ہ وقت سے ایک گھنٹہ بائیس منٹ کی تاخیر سے شروع ہوا ۔عبدالقادر مندوخیل ے اجلاس میں خطاب کرتے ہوئے سوال اُٹھا یا کہ قرآن کی بے حرمتی اور مسجدوں پرحملے ہورہے ہیں۔ہم اور ہمارا ایوان خاموش کیوں ہے ؟اس موقع پر قومی اسمبلی کے اسپیکر راجہ پرویز اشرف نے انہیں جواب دیا کہ ہم اس پر خاموش نہیں آپ یہاں نہیں تھے ، ہم نے مشترکہ اجلاس میں اس کی مذمت کی ہے۔