عبدالرحمان پاکستان کرکٹ ٹیم کے نئے سپن بالنگ کوچ مقرر

لاہور: (پاکستان کرکٹ بورڈ نے قومی ٹیم کے لیے سابق سپنر عبدالرحمان کی خدمات بطور سپن بالنگ کوچ حاصل کر لیں۔شان مسعود کی قیادت میں ان دنوں پاکستان کرکٹ ٹیم ملتان میں موجود ہے جہاں ٹیم پاکستان آئی سی سی ٹیسٹ چیمپئن شپ کے 2 ٹیسٹ میچوں کا پہلا ٹیسٹ 17 جنوری سے شروع کرنے جا رہی ہے۔
قومی سلیکشن کمیٹی نے ویسٹ انڈیز کے خلاف 15 رکنی ٹیسٹ سکواڈ کا اعلان کر دیا ہے جس میں 3 سپنرز نعمان علی، ابرار احمد اور ساجد خان کو شامل کیا گیا ہے۔اب پاکستان کرکٹ بورڈ نے قومی ٹیم کے لیے ٹیسٹ سپنر عبدالرحمان کی خدمات بطور سپن بالنگ کوچ حاصل کر لی ہیں۔بائیں ہاتھ کے ٹیسٹ سپنر عبدالرحمان جنہوں نے پاکستان کے لیے 2006 سے 2014 تک ٹیسٹ، ون ڈے اور ٹی 20 میچز میں 140 وکٹیں حاصل کی ہیں انہوں نے ملتان میں پاکستان ٹیم کو جوائن کر لیا ہے۔