عالمی منڈی میں خام تیل کی قیمتوں میں بڑی کمی ہوگئی

عالمی منڈی میں خام تیل کی قیمتوں میں بڑی کمی ریکارڈ کی گئی ہے ۔ آئل مارکیٹ میں آج ایک فیصد کمی کے بعد خام تیل کی قیمت 85.74 ڈالر فی بیرل ہوگئی جبکہ امریکی خام تیل 1.3 فیصد کم ہو کر 82.12 ڈالر فی بیرل رہا۔چند رو قبل عالمی منڈی میں خام تیل کی قیمت 7 ماہ کی بلند ترین سطح پر پہنچ گئی تھی ۔گلوبل بینچ مارک برطانوی برینٹ کروڈ آئل کی قیمت جنوری 2023 کے بعد بلند ترین سطح پر پہنچ گئی تھی ، جس کی بنیادی وجوہات میں امریکی ایندھن کے ذخائر او ر روس اور سعودی عرب کی جانب سے پیداوار میں کمی شامل ہیں ۔