طوفان کا خطرہ ٹل گیا ، بدین میں ماہی گیروں کوبستیوں میں جانے کی اجازت

ڈی سی بدین نے آج سے ماہی گیروں کو اپنی اپنی بستیوں میں واپس جانے کی اجازت دیدی بحیرہ عرب میں بننے والے سمندری طوفان بپر جوائے کا خطرہ ٹلنے کے بعد ساحلی پٹی کی اطراف چلنے والی تیزہواﺅں کا سلسلہ بھی تھم گیا ۔ڈپٹی کمشنر بدین آغاشاہنواز کا کہنا ہے کہ ساحلی پٹی کے شہری علاقوں کا موسم خوشگوار اور مطلع ابر آلود ہے جبکہ سمندری طوفان کا خوف کافی حد تک ختم ہوگیا ہے ۔آج سے ماہی گیر اپنی بستیوں میں واپس چلے جائیں گے ،دوروز سے چلنے والی تیز ہوا اور بارشوں سے ہونیوالے نقصان کا جائزہ لے رہے ہیں ، جن ماہی گیروں کا نقصان ہوا جلد سے جلد ان کا ازالہ کرینگے۔